काठमाडौं—आइएमई पे र खल्ती वालेट मर्ज भएका छन् । १ साउनबाट मर्ज भएर ‘खल्ती बाइ आइएमई’ नाममा एकीकृत कारोबार सुरु भएको हो । 
यसरी एउटै एपमा समेटिएपछि साविकका १ करोड २७ लाख सेवाग्राही कारोबारमा जोडिएका छन् ।  

यो मर्जरसँगै बनेको नयाँ कम्पनी ‘आइएमई खल्ती लिमिटेड’ को चुक्ता पुँजी ५४ करोड रुपैयाँभन्दा बढी पुगेको छ । 
नेपाल राष्ट्र बैंक डेपुटी गभर्नर बमबहादुर मिश्रले नयाँ टिमलाई प्रमाणपत्र हस्तान्तरण गरेका थिए ।