काठमाडौं—स्वस्तिक लघुवित्त वित्तिय संस्थाको आईपीओ बाँडफाँड भएको छ । बिहीबार स्वस्तिकको सेयर निष्कासन तथा विक्री प्रबन्धक नविल इन्भेष्टमेन्ट बैकिङ लिमिटेडले आईपीओ बाँडफाँड गरेको हो । 

स्वस्तिकको सेयर १९ हजार ५१९ जनाले १० कित्ताका दरले हात पारेका छन् । कम्पनीको आईपीओका लागि २४ लाख ४० हजार ४६० आवेदकले २ करोड ७४ लाख ६४ हजार ५७० कित्ताका लागि आवेदन दिएका थिए । जसमध्ये २४ लाख २० हजार ९४१ जनाको हात खाली भएको छ । 

कम्पनीले १ लाख ९५ हजार १९५ कित्ता सेयर सर्वसाधारणका लागि निष्कासन गरेको थियो ।