काठमाडौं—सुनको मुल्य तोलामा ७ सय रुपैयाँ घटेको छ । आइतबार प्रति तोला ७ सय रुपैयाँ घटेको नेपाल सुन चाँदी व्यवसायी महासंघले जनाएको छ ।

यससँगै आइतबार बजारमा सुन प्रतितोला १ लाख ९५ हजार ५ सय रुपैयाँमा कारोबार भइरहेको छ । गत शुक्रबार प्रतितोला १ लाख ९६ हजार २ सय रुपैयाँमा कारोबार भएको थियो ।  

२३ साउनमा सुनको भाउ हालसम्मकै उच्च प्रति तोला १ लाख ९९ हजार ४ सय रुपैयाँ पुगेको थियो । त्यसयता सुनको मुल्य घटिरहेको छ । 

चाँदीको भाउ तोलामा ५ रुपैयाँ घटेको छ । शुक्रबार प्रतितोला २ हजार ३१५ रुपैयाँमा कारोबार भएको चाँदी आइतबार २ हजार ३१० मा कारोबार भइरहेको छ ।