काठमाडौं—नेपाली बजारमा सुनको मुल्य एकै दिन प्रति तोला २० हजार ५ सय रुपैयाँ वृद्धि भएको छ । बिहीबार सुनको भाउ प्रतितोला २० हजार ५ सय रुपैयाँ बढेर ३ लाख ३९ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । 

प्रतितोला ३ लाख ३९ हजार ३ सय रुपैयाँ नेपाली बजारमा सुनको मुल्यको ऐतिहासिक रेकर्ड हो ।   

बुधबार सुनको प्रति तोला ९ हजार ५ सय रुपैयाँले बढेर ३ लाख १८ हजार ८ सय रुपैयाँमा कारोबार भएको थियो । 

चाँदीको मुल्यले पनि निरन्तर नयाँ रेकर्ड बनाइरहेको छ । बिहीबार चाँदीको मूल्य प्रतितोला २ सय ५ रुपैयाँले बढेर ७ हजार ५ सय ५ रुपैयाँ पुगेको छ ।

बुधबार चाँदीको भाउ प्रतितोला  ७ हजार ३ सय रुपैयाँमा कारोबार भएको थियो ।