धनगढी—सिद्धार्थ कटेजले धनगढीमा मम महोत्सव आयोजना गर्ने भएको छ। सिद्धार्थ ग्रुपअन्तर्गतको सिद्धार्थ कटेज धनगढीले १६, १७ र १८ माघमा तीन दिन मम महोत्सव आयोजना गर्न लागेको हो । 

मम महोत्सवमा २०० भन्दा बढी प्रकारका ममको स्वाद लिन पाइनेछ।महोत्सवमा सुदूरपश्चिमका मौलिक तथा परम्परागत खानाका विशेष स्टलहरू समेत रहने सिद्धार्थ ग्रुपका कार्यकारी निर्देशक केशवराज न्यौपानेले जानकारी दिए ।

त्यसबाहेक महोत्सवमा सांस्कृतिक नृत्य, लाइभ ब्यान्ड, कलाकारहरूको प्रस्तुति तथा अन्तिम दिन मम मेकिङ एण्ड कुकिङ प्रतिस्पर्धासँगै पिरो मम खाने प्रतियोगिता समेत रहने निर्देशक न्यौपानेले बताए । तीन—तीन जनाको ७ वटा समूह बनाएर गरिने प्रतिस्पर्धामा फष्ट, सेकेण्ड र थर्ड हुनेलाई पुरस्कार समेत प्रदान गरिनेछ ।

निर्देशक न्यौपानेकाअनुसार स्थानीय स्वाद प्रवर्द्धन, मनोरञ्जन र पर्यटन विकासका टेवा पु¥याउने उद्देश्यका साथ मम महोत्सव आयोजना गर्न लागिएको हो ।