काठमाडौं—नेपाल प्रहरीको केन्द्रीय अनुसन्धान ब्यूरो (सिआईबी)ले  प्रभु बैंकका प्रमुख कार्यकारी अधिकृत (सिईओ) अशोक शेरचनलाई पक्राउ गरेको छ । 

आइतबार सिआईबीले बैकिङ कसुरमा प्रभुका सिईओ शेरचनलाई पक्राउ गरेको सिआईबीका प्रवक्ता प्रहरी बरिष्ठ उपरीक्षक शिवकुमार श्रेष्ठले जानकारी दिए । 

‘उहाँलाई बैकिङ कसुरमा पक्राउ गरिएको हो,’ प्रवक्ता श्रेष्ठले भने, ‘टोली फर्किसकेपछि हामी सबै विवरण दिन्छौं ।’

२२ कात्तिकमा सिआईबीले बैकको केन्द्रीय कार्यलयमा छापा मारेर कागजात नियन्त्रणमा लिएको थियो । 

यसअघि ११ कात्तिकमा प्रभु समुहका तत्कालीन अध्यक्ष देवीप्रकाश भट्टचन पक्राउ परेका थिए ।