काठमाडौ—नेपाल क्रिकेट संघ (क्यान)ले एनपीएलको दोस्रो संस्करणबाट ४४ करोडभन्दा बढी आम्दानी गर्ने अनुमान छ । सोमबारदेखि त्रिभुवन विश्वविद्यालय क्रिकेट ग्राउण्डमा एनपीएलको दोस्रो संस्करण सुरु हुँदैंछ । 

क्यानले विभिन्न टिकट बिक्री, स्पोन्सर्स, फ्रेन्चाइज टोली, टिभी राइट्स र ओटीटी राइट्स बिक्रीबाट उक्त आम्दानी गर्नेछ । जसमा प्रायोजकबाट १५ करोड रुपैयाँ आम्दानी गर्ने लक्ष्य क्यानको छ । 

यस्तै, टिकट बिक्रीबाट १२ करोड रुपैयाँसम्म, फ्रेञ्चाइज टोलीबाट ९ करोड रुपैयाँसम्म र ओटीटी राइट्स बिक्रीबाट ५ करोड ३० लाख र टिभी राइट्स बिक्रीबाट ३ करोड रूपैयाँ आम्दानी हुने अनुमान क्यानको छ ।