काठमाडौं—रिलायन्स स्पिनिङ मिल्सले ट्रंक तथा डेडिकेटेड लाइनको प्रिमियम महसुलको बक्यौताको पहिलो किस्ता तिरेको छ । बिहीबार  रिलायन्सले २ करोड ७७ लाख रुपैयाँ पहिलो किस्ता वापत बुझाएको हो ।

किस्ता बुझाएछि रिलायन्सको काटिएको विद्युत लाइन जडान गरिएको नेपाल विद्युत प्राधिकरणले जनाएको छ ।  रिलायन्सको कुल बक्यौता ७५ करोड ३७ लाख रूपैयाँ रहेको प्राधिकरणले जनाएको छ ।

वि.सं. २०७२ माघदेखि २०७५ वैशाखसम्ममा डेडिकेटेड तथा ट्रङ्क लाइन प्रयोग बापतको प्रिमियम महसुल तिर्न बाँकी रहेको थियो । यसअघि प्राधिकरण बक्यौता तिर्न ताकेता गर्दापनि नतिरेपछि ४ कात्तिकबाट लाइन काटिदिएको थियो ।