काठमाडौं—पोर्चुगलस्थित नेपाली राजदूत प्रकाशमणि पौडेल र नेपालका लागि केन्याका अवैतनिक वाणिज्यदूत चन्द्र टण्डनबीच नेपालमा विदेशी लगानी भित्र्याउने विषयमा छलफल भएको छ । मंगलबार पौडेल र टण्डनबीच विदेशी प्रत्यक्ष लगानी भित्र्याउन आवश्यक रणनीतिका विषयमा छलफल भएको हो । 

उत्पादनशील छेक्षहरु र प्रविधी स्थानन्तरणहरुमा रेमिट्यान्स लगानीलाई  समर्थन गर्न औपचारिक नेटवर्कहरुको स्थापना गर्ने, साहसिक पर्यटन, सांस्कृतिक सम्पदा र अध्यात्मिक रिट्रीटहरूको लागि नेपाललाई शीर्ष गन्तव्यको रूपमा प्रवद्र्धन गर्ने विषयमा समेत छलफल भएको टण्डनले जानकारी दिए । 

उक्त छलफल कार्यक्रममा पोर्चुगलमा रहेका नेपालीहरुका समस्या समाधानका लागि आफु लागि परेको  र नेपाली आप्रवासीहरुको कल्याण र अधिकार सुनिश्चित गर्ने कार्य भैरहेको साथै पोर्चुगलमा नेपाली उत्पादनहरूको प्रवद्र्धन गर्ने प्रभावकारी योजना बनिरहेको जानकारी राजदूत पौडेलले गरएका थिए  । पोर्चुगलमा रहेको नेपाली मिसन र सीएनआईबीचको संस्थागत सम्बन्धको बारेमा पनि छलफल भएको थियो । 

नेपालका लागि केन्याका अवैतनिक वाणिज्यदूत टण्डन सिटी एक्सप्रेस मनी ट्रान्सफरका संस्थापक, ग्लोबल बिजिनेस तथा डायस्पोरा समिती (सिएनआई) का सभापतिसमेत हुन् ।