काठमाडौं—सम्पत्ति शुद्धीकरण मुद्धामा पक्राउ परेका शंकर समूहका अध्यक्ष शंकर अग्रवाल छुटेका छन्। आइतबार सम्पत्ति शुद्धीकरण विभागले बयानको काम सकिएपछि शंकर छाडेको हो ।

२० चैतमा  शंकर समूहका अध्यक्ष अग्रवाल र सञ्चालक उनका छोरा साहिललाई सम्पत्ति शुद्धीकरणको अनुसन्धानका लागि प्रहरीले पक्राउ गरेको थियो ।

व्यापारी दिपक भट्टसँग जोडिएकाले उनीहरुलाई पक्राउ गरिएका हो । यसअघि भट्टलाई पनि सम्पत्ति शुद्धीकरणको मुद्धामा पक्राउ गरेर अनुसन्धान भइरहेको छ ।  

९१ वर्ष पुरानो शंकर समूह नेपालको अग्रणी व्यवसायिक घरानामा पर्छ । सवा खर्बको वार्षिक कारोबार रहेको शंकर समूहको ६० भन्दा बढी उधोग, व्यवसायमा लगानी छ । समूहको जगदम्बा स्टिलसँगै, सिमेन्ट, जलविद्युत्, इन्स्योरेन्स, उपभोक्ता वस्तुलगायत विभिन्न क्षेत्रमा लगानी छ ।

समूहअन्तर्गतका कम्पनीहरुका १५ हजार बढीले रोजगारी पाएका छन् ।