काठमाडौं—सानिमा रिलायन्स लाइफ इन्स्योरेन्सले व्यतीत बीमालेखको नवीकरण गर्दा लाग्ने विलम्ब शुल्कमा शत प्रतिशत छुटसहितको पुनर्जागरण अभियान सुरु गरेको छ । विभिन्न कारणले समयमै बीमा शुल्क भुक्तानी गर्न असमर्थ ग्राहकलाई  मध्यनजर गर्दै यो योजना सार्वजनिक गरेको हो । 

पुनर्जागरण अभियान ६ देखि २८ पुससम्म लागू हुनेछ । पुनर्जागरण अभियानअन्तर्गत बिमालेख अवधिभित्र एक पटक मात्र ब्याज छुटको सुविधा प्रदान गरिने संस्थाले जनाएको छ । व्यतीत बीमा लेखमा ब्याज छुटको सुविधा लिए पश्चात ६ महिना भित्रमा बीमा लेख समर्पण गरेमा भने छुट पाएको सम्पूर्ण रकम भुक्तानी गराई समर्पण गरिनेछ । 

साथै, बीमालेख परिपक्व हुन १ वर्ष वा १ वर्षभन्दा कम अवधि बाँकी रहेको बीमालेखमा ब्याज छुट नपाइने व्यहोरा कम्पनीले जनाएको छ। सामान्य अवस्थामा बीमालेख ब्यतीत रहँदा बिमितले रक्षावरण गुमाउनुका साथै अतिरिक्त विलम्ब शुल्क पनि भुक्तानी गर्नुपर्ने हुन्छ ।  

संस्थाले सार्वजनिक गरेको पुनर्जागरण अभियानमा भने बिलम्ब शुल्कमा छुटको सेवा सुविधा लिई  व्यतित बीमालेख नवीकरण गरेर मौकाको फाइदा  लिन कम्पनीले अनुरोध गरेको छ । 

सानिमाका देशैभर रहेका १६८ शाखा कार्यालयबाट वा अनलाइन भुक्तानीको माध्यमबाट यस योजनामा सहभागी हुन सकिनेछ ।