काठमाडौं— क्रिकेट एसोसिएसन अफ नेपालद्वारा आयोजित  नेपाल प्रिमियर लिग दोस्रो संस्करणको ट्रफी सानिमा रिलायन्स लाइफमा इन्स्योरेन्स लि. को प्रधान कार्यालय नक्सालमा लगिएको छ। सानिमा रिलायन्स एनपीएल दोस्रो संस्करणको सह—प्रायोजक  रहेको छ ।

एनपीएलको दोस्रो संस्करण १ मंसिरबाट कीर्तिपुर क्रिकेट मैदानमा सुरु हुँदैछ। कार्यक्रममा बोल्दै कम्पनीका अध्यक्ष रतनलाल केडियाले नेपालमा क्रिकेटको महत्व तथा खेलको लोकप्रियता दिन प्रति दिन बढ्दै गएको बताए । उनले नेपालमा क्रिकेटका उत्कृष्ट खेलाडीहरू रहेको र ती खेलाडीहरूलाई अन्तरराष्ट्रियस्तरमा पहिचान गराउन र निजहरूको मनोवललाई उच्च राख्न र देशको छवि अन्तर्राष्ट्रिय जगतमा स्थापित गर्ने प्रयोजनको लागि क्यानले आयोजना गरेको एनपीएल  एक उत्कृष्ट प्ल्याटफर्मको रुपमा रहेको बताए। 

उनले एनपीएलको दोस्रो संस्करणमा पनि सानिमा रिलायन्स लाइफ इन्स्योरेन्स लि. सह—प्रायोजकको रूपमा रहन पाउँदा कम्पनीले गर्व गर्ने वातावरण बनेको बताए । 

हाल सानिमा रिलायन्सलेले देशभर १६९ शाखा सञ्जालमार्फत सेवा प्रदान गर्दै आएको छ । यसको पूँजी ५ अर्बभन्दा बढी रहेको छ भने २० अर्बभन्दा बढीको लगानी भइसकेको छ । करिब २०,००० भन्दा बढी अभिकर्ताहरू कम्पनीमा कार्यरत रहेका छन् ।