काठमाडौं—सरकारले बिमा प्राधिकरणका अध्यक्ष शरद ओझालाई बर्खास्त गरेको छ । सोमबार बसेको मन्त्रिपरिषद्को बैठकले ओझालाई बर्खास्त गरेको हो ।
मन्त्रिपरिषद्ले अध्यक्ष नियुक्त हुँदा ओझाले पेस गरेका कागजात छानबिन समितिले शंकास्पद रहेको निष्कर्षसहित प्रतिवेदन पेस गरेपछि बर्खास्त गर्ने निर्णय गरेको हो ।
३० असारमा ओझाले पेश गरेका योग्यता तथा अनभुव सम्बन्धि कागजातमा प्रश्न उठेपछि सरकारले पूर्वन्यायाधीश कृष्ण गिरीको संयोजकत्वमा तीन सदस्सीय छानविन समिति गठन गरेको थियो । समिति गठन भएसँगै ओझा निलम्बित भएका थिए ।
छानविन समितिले गत साता प्रधानमन्त्री कार्यालयमा छानविन प्रतिवेदन बुझाएको थियो। प्रधानमन्त्री कार्यालयले प्रतिवेदन कार्यान्वयनका लागि अर्थ मन्त्रालयलाई निर्देशन दिएको थियो।
सोही निर्देशनका आधारमा सोमबार उपप्रधान एवं अर्थमन्त्री विष्णु पौडेलले ओझालाई बार्खास्त गर्ने प्रस्ताव मन्त्रिपरिषद्मा पेस गरेका थिए। सोही प्रस्तावलाई मन्त्रिपरिषद्ले पारित गरेसँगै ओझा बर्खास्त भएका हुन् ।
तपाईको प्रतिक्रिया दिनुहोस