काठमाडौं—सानिमा रिलायन्स लाइफ इन्स्योरेन्सले एजेन्सी मिट, २०८२ सम्पन्न गरेको छ । आर्थिक वर्ष २०८१/८२ मा उत्कृष्ट व्यवसाय गर्न सफल अभिकर्ताहरूलाई पुरस्कृत गर्नुका साथै प्रदेशस्तरीय प्रोत्साहनको कार्यक्रम स्टार एजेन्सी मिट २०८२ सम्पन्न गरेको छ।
बनेपा, चाबहिल, कौशलटार र पाटन रिजनका अभिकर्तामध्ये प्रथम बीमा शुल्क संकलन, बीमा लेख संख्या र टिम ब्यवसाय विधामा उत्कृष्ट ३ भित्र पर्न सफल स्टार एजेन्सीहरूलाई विशेष सम्मान गरिएको हो ।
कार्यक्रममा कम्पनीका नायब प्रमुख कार्यकारी अधिकृत निराजन कँडेलले जीवन बीमा ब्यवसायमा बीमा सल्लाहकारहरुको महत्व र अपरिहार्यता माथि प्रकाश पार्दै कार्यक्रमबाट सिकेका कुराहरुलाई व्यवहारमा उतारेर यस वर्ष कम्पनीलाई नयाँ उचाइमा पु¥याउनुपर्ने बताए । उनले कम्पनीले आर्थिक वर्ष २०८१/८२ मा ७ सय करोड रुपैयाँको बीमाशुल्क संकलन गर्न सफल भएकोमा सम्पूर्ण अभिकर्ताहरुलाई धन्यवाद ज्ञापन गरे ।
कार्यक्रममा क्षेत्रीय प्रबन्धक, एरिया म्यानेजर र शाखा प्रमुखसहित ७ सयभन्दा बढी अभिकर्ताहरूको उपस्थिति रहेको थियो ।
कौशलटार रिजनका उत्कृष्ट एजेन्सी म्यानेजर नमिता न्यौपाने, चाबहिल रिजनका रणबहादुर तामाङ, बनेपा रिजनका नारायणबहादुर गुरुङ र पाटन रिजनका योगेन्द्र महर्जनले आफूहरु उत्कृष्ट १ मा पर्न गरेको मेहनतको चर्चा गर्दै यस वर्ष पनि उक्त पदलाई यथावत राख्ने लक्ष्य रहेको बताए । उनीहरुले त्यसैअनुरुप योजनासहित काममा परिचालित भएको बताए ।
कार्यक्रम ज्ञानबर्द्धक बनाउनको लागि स्पिकर सुदिप बस्नेतलाई आमन्त्रित गरिएको थियो । उनले बिक्री कलाको लागि अति उपयोगी बानीको आवश्यकता र महत्त्वको बारेमा चर्चा गरेका थिए।
तपाईको प्रतिक्रिया दिनुहोस