काठमाडौं—एनआईसी एशिया बैंकका ग्राहकहरुले फ्रन्टलाइन हस्पिटलका विभिन्न सेवाहरुमा विशेष छुट पाउने भएका छन् । बैंक र पुरानो बानेश्वरस्थित फ्रन्टलाइन हस्पिटलबीच भएको सम्झौताअनुसार एनआईसी बैंकका ग्राहकहरुले फ्रन्टलाइन हस्पिटलका सेवाहरुमा डिजिटल भुक्तानी गर्दा १० प्रतिशत छुट सुविधा पाउनेछन् । 

बैंकका सहायक प्रमुख कार्यकारी अधिकृत एवं सूचना अधिकारी अर्जुन राज खनियाकाअनुासर बैंकका तर्फबाट डिजिटल पेमेन्ट इकोसिस्टम प्रमुख विमल लम्साल र फ्रन्टलाइन हस्पिटलका तर्फबाट क्लिनिकल प्रेसिडेन्ट डा. योगेश न्यौपाने सम्झौतामा हस्ताक्षर गरेका हुन् ।  

उनकाअनुसार बैंकले यो सुविधाको उपभोग गर्न ग्राहकहरुले बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी वा मोबैंक एपमार्फत भुक्तानी गर्नुपर्नेछ । 

‘फ्रन्टलाइन हस्पिटलसँगको यस सहकार्यले हाम्रो बैंकका ग्राहक महानुभावहरुलाई स्वास्थ्य उपचारमा सहयोग पुग्नुको साथै मुलुकको डिजिटल भुक्तानी सेवालाई प्रवद्र्धन गरी नगदरहित कारोबारमा सहयोग पुग्ने बैंकले विश्वास लिएका छौं,’ खनियाले भने ।